في الأول حصلتلي حاجة حلوة
حاجة خلتني أفرح بجد
فرحة جميله كدا
فرحة بيضا زي مابيقولوا لأني حسيت أنها من كرم ربنا
المهم بعدها بكذا ساعة كدا حصلتلي حاجة وحشة وسمعت كلام دايئني جدا من حد معين
لائتني بزعل ودموعي بتترجاني تنزل
وأنا بترجاها ماتنزلش علشان الناس كتيير حواليا ومايصحش يشوفوني وأنا بعيط
ولأن دايما رجاء دموعي بيبئي أقوي من رجائي
فأتفئت معاها ندردش سوا لحد ماأبئي لوحدي وبعيد عن الناس
المهم فكرت في اللي حصل وسألت نفسي أنا ليه زعلانه؟
يعني ليه الحاجة الوحشة هي اللي دايئتني ولاغت تأثير الخبر الحلو اللي كان في قلبي
يعني انا دلوئتي حصللي موقفين عكس بعض ليه أنا أستسلمت لتأثير موقف واحد منهم وهو الموقف الوحش
قولت يمكن علشان حصل في الآخر طيب يعني لو كان الموقف الوحش حصل الأول وبعدين الموقف الحلو يمكن كان دام تأثيره
بس لآ ما طلعش كدا
لأن بعدها حصلت حاجة حلوة بس برده ماقدرتش تشيل تأثير الموقف الوحش
وفضلت أفكر أفكر
ليييييييييييه؟
ليه بيبئي عندنا أستعداد نزعل او بلاش أستعداد دي ليه بنستسلم للحزن والألم حتي في وجود حاجات حلوة حوالينا؟
ليه بنخاف نفرح؟
طيب بلاش بنخاف هو أحنا ليه محجمين علاقتنا مع الفرح؟
ومخليين الحزن ييزورنا ويودنا كتيير واحنا نرحب بيه ونفتحله قلوبنا أول مايجيلنا
ورغم الدردشة الطويله دي أفتكرت ان ضحكت علي دموعي وساهيتها علشان تنسي رجائها ليا
ألا انها رجعت تترجاني وبشدة وساعتها ما قدرتش اقول لآ
وبكيت بكيت علشان كنت محتاجة ارتاح
والحمدلله ارتاحت
أرتاحت لما أفتكرت ان حتي الدموع نوعين
دموع فرح ودموع حزن وكل نوع له مذاق مختلف عن التاني
علي فكرة أنا الحمد لله كويسه علشان بس ماتتخضوش عليا
والموقفين اللي حصلوا عدوا بخير
وعلي فكرة لما عيطت كنت نوعا ما بئيت لوحدي وماحدش شافني وأنا بعيط
الأحتياط واجب برده:)
كنت محضرة بوست دمه خفيف غير البوست دا بس النصيب بئي
بس أن شاء الله ها أنزله قريب
حاجة خلتني أفرح بجد
فرحة جميله كدا
فرحة بيضا زي مابيقولوا لأني حسيت أنها من كرم ربنا
المهم بعدها بكذا ساعة كدا حصلتلي حاجة وحشة وسمعت كلام دايئني جدا من حد معين
لائتني بزعل ودموعي بتترجاني تنزل
وأنا بترجاها ماتنزلش علشان الناس كتيير حواليا ومايصحش يشوفوني وأنا بعيط
ولأن دايما رجاء دموعي بيبئي أقوي من رجائي
فأتفئت معاها ندردش سوا لحد ماأبئي لوحدي وبعيد عن الناس
المهم فكرت في اللي حصل وسألت نفسي أنا ليه زعلانه؟
يعني ليه الحاجة الوحشة هي اللي دايئتني ولاغت تأثير الخبر الحلو اللي كان في قلبي
يعني انا دلوئتي حصللي موقفين عكس بعض ليه أنا أستسلمت لتأثير موقف واحد منهم وهو الموقف الوحش
قولت يمكن علشان حصل في الآخر طيب يعني لو كان الموقف الوحش حصل الأول وبعدين الموقف الحلو يمكن كان دام تأثيره
بس لآ ما طلعش كدا
لأن بعدها حصلت حاجة حلوة بس برده ماقدرتش تشيل تأثير الموقف الوحش
وفضلت أفكر أفكر
ليييييييييييه؟
ليه بيبئي عندنا أستعداد نزعل او بلاش أستعداد دي ليه بنستسلم للحزن والألم حتي في وجود حاجات حلوة حوالينا؟
ليه بنخاف نفرح؟
طيب بلاش بنخاف هو أحنا ليه محجمين علاقتنا مع الفرح؟
ومخليين الحزن ييزورنا ويودنا كتيير واحنا نرحب بيه ونفتحله قلوبنا أول مايجيلنا
ورغم الدردشة الطويله دي أفتكرت ان ضحكت علي دموعي وساهيتها علشان تنسي رجائها ليا
ألا انها رجعت تترجاني وبشدة وساعتها ما قدرتش اقول لآ
وبكيت بكيت علشان كنت محتاجة ارتاح
والحمدلله ارتاحت
أرتاحت لما أفتكرت ان حتي الدموع نوعين
دموع فرح ودموع حزن وكل نوع له مذاق مختلف عن التاني
علي فكرة أنا الحمد لله كويسه علشان بس ماتتخضوش عليا
والموقفين اللي حصلوا عدوا بخير
وعلي فكرة لما عيطت كنت نوعا ما بئيت لوحدي وماحدش شافني وأنا بعيط
الأحتياط واجب برده:)
كنت محضرة بوست دمه خفيف غير البوست دا بس النصيب بئي
بس أن شاء الله ها أنزله قريب
5 comments:
اولا اول تعليق
عوضت الظلم اللى شفته ف بلوجك ياقمرى:)
وثانيا بقى
زعلانه منك علشان غطستى وانتى زعلانه وانا معرفش وجاي اعرف دلوقتى عععععععععع
صحاب ايه ياخواتى دى اللى بطنش وبتنسى صحابها ال بيحبوها لما تكون زعلانه :(
اخس
وثالثا بقى
احنا يمكن بيكون تأثير الحزن علينا اقوى وانا بصراحه معرفش بيولوجيا ده ليه؟
انما اللى اعرفه ان الحزن احيانا بيكون ليه مذاق خاص
احيانا بنستلذ بيه برغم قسوته
وكمان ياحبيبتى يمكن بنحتاج نخبى دموعنا علشان مش تتفهم انها ضعف انما كمان لازم منها
الحزن مش بيرتاح غير بالدموع لانها اتخلقت لكده
وسمعت مره ان دموع الافرح دى مش بتبقى دموع فرح انما بتبقى دموع احزان مخزونه بتخرج ف وقت الفرح علشان تريح القلب لكن مش عارفه د حقيقى ولا لا؟
دمت بكل خير ياحبيبتى وبطلى نداله هو انا مت ولا ايه؟؟
ليه صحيح؟؟؟
مش عارفة :)
أنا أساسا مش عارفة أركز عشان النت كافيه انت عارفة :)،بس بجد كلامك صعب
غالبا كنت معاكي في الفترة دي..أو على الأقل أتمنى كدة لأن مش متأكدة
:)
يارب تكوني خرجتي منها أقوى
هكتبلك تاني إن شاء الله لما ربنا يفرجها.. بس عايزة أقوللك إني كنت متوقعة بوست تاني خاااالص :) زي ماانت قلتي
بس يللا البوست الجاي إن شاء الله :)
و الحمدلله إنك كتبتي عشان التراب كان ملى المكان :)))
كل سنه وانتى طيبه
عيد سعيد عليكى وعلى المسلمين جميعا
باليمن والخير والبركات
دموعي بتترجاني تنزل
وأنا بترجاها متنزلش
ياااه...عارفةالإحساس دةأوي أوي
بعدالتفكير...:) برده مش عارفةليه بصراحة،بس اللي أعرفه إن دي طبيعةالناس وأكيدالرسول-ص- كان بيستعيذ من الهم والحزن لأنه فعلاحاجة صعب التغلب عليها
بس كمان أعرف ناس "قليلة"بصراحة..بتعرف تبتسم دايماوكل لحظة في قلبها ربنا، وعمرالحزن ما بيعرف يقرب منهم لأن كل حاجة بيعرفوايستغلوهابسرعة بأنهم يفكروا إزاي يستفيدوامنهاو يفتكروا معاني كتيرجميلةإحنامش بنفتكرها غير قليل
تحياتي يا جميل:)
ربنا يطمنناعليكي دايما
السلام عليكم
عارفه ده زي لما بنبكي عيونا بتحمر وبنحس ان الدموع حفرت على وشنا أخاديد والاهم انها سابت في قلبنا جرح مش بسهوله يندمل
لكن لما بنضحك ضحكتنا مبتسبش علامه
أحنا مش بنخاف نفرح بس الجرح بيوجع اوي وده اللي يخلينا نتأثر اكتر
تحياتي
Post a Comment