مع الهلــع الشديد من أنفلونزا الخنــازير لقيتني نفسي أسأل اللي حواليا... انتو خايفين "أوي" كدة للدرجة دي فعلا؟
طب ممكن تلبس الكمامة لو لقيت نفسك رايح مكان زحمة أوي أو مغلــق؟؟
ضحكت لمـــا فكرت في تاني سؤال لأني بصراحة مش عارفة فين في مصـر ممكن يكون مش زحمة!!! بس فعلا ... ممكن تفكـر تلبس الكمـامة و لا هتقـــــول منظري وحش أوي أو الكمـامة مش لايقة عليّ عشان وشي صغير أو هتقول محدش لابسها. اشمعنى أنـا ؟؟
طب ممكن تلبس الكمامة لو لقيت نفسك رايح مكان زحمة أوي أو مغلــق؟؟
ضحكت لمـــا فكرت في تاني سؤال لأني بصراحة مش عارفة فين في مصـر ممكن يكون مش زحمة!!! بس فعلا ... ممكن تفكـر تلبس الكمـامة و لا هتقـــــول منظري وحش أوي أو الكمـامة مش لايقة عليّ عشان وشي صغير أو هتقول محدش لابسها. اشمعنى أنـا ؟؟
تســاؤلات خطرت على بالي من فترة كبيرة "وخصوصا شهـر يوليو" لمـا كان لي تعامل مع مترو الأنفــاق .. و هوالمكـان الوحيـد اللي حسسني إن لازم كمامة إن شالله ألبسها مخصوص جواه هو بس . بس مش كتبت التساؤل غير دلوقتي لأن فوبيـا المرض بدأت حدتها تزيد تاني جداجدا .. خصوصا عشان المدارس
:(
ربنـــا يستر
طب لو في باص أو ميكروباس و لقيت حد بيعطس كتيــر أوي جنبك. ممكن الموقف يوصل بيك لأنك تنزل من المواصلة دي و تدوّر على واحدة غيرها ؟ و لا مش للدرجـة دي؟؟
ولـــو كان شرط الحكومة إنك تاخد اللقاح الواقي من الانفلونزا "اللي لسة نتيجته وآثاره الجانبية مش مؤكدة 100%"
لو عايز تروح الــحج السنـة دي. هتاخده و لا إيه العمـل ؟
Picture taken from raivaescondida.wordpress.com/category/saude/
6 comments:
لا بصراحه مش خايف
مش عارف ليه؟
بس من يومين سمعت واحده جارتنا وهي بتكلم حماتها اللي في البلكونه اللي قدامها ان قريبتها اللي في الشراع اللي ورانا لسه محجوزه للاشتباه في الاعراض ولما قولتي لزمايلي في الشغل عشان اعرف هما قلقانيين ولا لأ لاقيتهم بس مركزين مع موضوع البلكونه وفين بكونتي من بلكونه الجاره وحماتها
:)
وبصراحه مش ممكن البس الكمامه لسببين الاول اني مش هروح مكان زحمه عشان مبحبهاش
وعشان كده مبرحش في اي حته
:)
ثانيا اني مش هلبسها لأني مش ممكن استحمل حاجه تخليني متكلمش وانا عايش على الهواء والكلام
:)
ده انا حتى ما اخدتش الكمامه اللي بيوزعها في الشغل لأني عارف اني مش هقدر البسها
لو في ميكروباس وفي حد بيعطس تصرفي هيختلف على حسب الشخص
يعني في اشخاص الواحد بيقفل اوي منهم من غير سبب وفي اشخاص الواحد بيرتحلهم من غير سبب بس في الحالتين مش هنزل وبرضه لسببين
اولا مش بحب اغير المواصلات
ثانيا اصلا مش هلاقي حاجه تانيه اركبها بسهوله
بيتهيألي لو للحج هاخده لكن لو كان عشان اروح الصحرا عشان شغل لا يمكن ابداااااااااااااااااااااا
انبسطت اوي بعوده الحياه مره اخرى للبلوج
بالنسبه لي عادي جدا اني البس كمامة المهم تكون لايقه على الهدوم اللي لابسها :)
بجد عادي اني البس كمامة
مش احسن ما اتعدي والعيال يجروا ورايا ويقولوا اللي عنده "اتش وان ان وان" اهو
بس المشكلة انه انا من نفسي مش هالبسها
لازم تكون مفروضه عليا سواء ف الشغل او ف منطقه بتفرض علي الزائرين لبس كمامة
بالنسبة لموضوع العطس
انا اكيد هاولع ف نفسي لو حد جاب اي حاجة عليا
انا مش ناقص قرف
ربنا يعافينا جميعا
إنسان مقيـد
يااااه!! يعني رفض تام
حتى لو دة للوقاية والحفاظ على صحتك فعلا؟
:)
شكرا إنك وصلت لي رأي ناس تانية كمان غيرك في الموضوع :).حاجة ضحكتني بصراحة إن كمان الناس اللي في الشغل مش فارق معاهم أوي الموضوع وبيسألوا على البلكونة
السبب الأول صعب شوية..لأن فيه ناس كتير مش بتحب الزحمة. أنا شخصيا لو كنت في مكان زحمة زيادة ممكن يحصل لي حالة إغماء علطول وخلاص :)، بس الموضوع مش دايما بمزاجنا..يعني مترو الأنفاق لو مش الصبح يبقى طبيعي هيكون من أزحم الأماكن..وزيه كتيـــر في مصر :)
السبب التاني ضحكني جدا :)
.......
في التلفزيون كانوا بيضربوا مثال لأن الناس بقت واعية جدا للمرض لدرجة إنهم لو قابلوا حد في المواصلات بيعطس كتير أو بيكح بينزلوه من المواصلة!! وأنا استغربت جدا الكلام دة فكنت حابة أعرف الآراءلأني مش شايفة الوضع المفروض يكون كدة
شكرا جدا لردك التفصيلي التحليلي اللي بأمثلة :). و أنا اتبسطت أكتر بتعليقك هنا
ولــــو
مبدئيا مش عارفة أوصف مفاجئتي بتعليقك بعد طـــــول غياب :)،بس بجد فرحت جداااا جدا بيه
ومش عارفة هشوف تاني تعليق زيه ولا لأ :). بس بجد أتمنى و بجد شكرا أوي على الفرحة اللي حسيتها لما شفت اسم "ولو"
طب يمكن السر إن اسمك مكتوب في آخر جملة في البوست؟ :) ولــــو
:)))
تعليقك ضحكني جدا
بس أنا عكسك الحقيقة... يعني يمكن لو لقيتها مفروضة علي ساعتها مش هحب ألبسها
أكيد لبسها في بعض الأماكن أحسن ما تتعدي :). ربنا يعافينا جميعا
إن شاءالله مش تضطر تولع في نفسك ولا في اللي جنبك أبدا. مش كان قصدي يعطس عليـــك يعني
:D
سعدت جدا بتعليقك مرة تانية :). نورت بجد
امر عادى جدا ان الواحد يلبس الكمانة فى الاماكن المزدحمة خوفا على صحته و صحة الاخرين بس عموما المرض انحسر و مش بالخطير كما صورت وسائل الاعلام و كلها كانت ضجة على الفاضى
كل سنه وانتم طيبين
انا صاحب مدونه هنا السناهره واتمني زيارتي وابداء ارائكم في مواضيعي وشكراااااااا
Post a Comment